3. GU Københavnimi

Sapaatip akunnerani kingullermi Københavnimi Kalaallit Illuutaat nunatsinniit ilinniartunit tikeraarteqarpoq.

Ilinniartut Københavnimi Kalaallit Illuutaani tikeraartut tassaapput Aasianniit 3.T Nuummiillu 3.R.

Klassit marluk paasisassarsiorlutik angalasut tamarmik Kalaallit Illuutaat aqqusaarpaat, akunnerni marlunni ilinniarnissamik siunnersuisumit Pia Rosing Heilmannimit Danmarkimi nunanilu allani ilinniarnissamik paasitinneqarlutik.

Pia Rosing Heilmannip inuusuttunit aperineqarluartartoq unnerpaa, juuni 2011-mi nasaarartaarmi kingorna siunissartik isumalluarfigalugu.

- Aasianniit 3.T periarfissaqarput Københavnimi kalaallimik ilinniartumik Nivi Christiansen Tasiilameersumik Københavns Universitetimi eqqumiitsuliornerup oqaluttuarisaaneranik ilinniartumik naappitsinissaminnut. Nivi oqaluttuarpoq nuunneq qanoq ajornakusoortiginersoq, kisiannili ukiuni taama amerlatigisumi angerlarsimaffik qimallugu periarfissarpassuaqartoq, Pia Rosing Heilmann oqarpoq.

3.T Københavnimiinnerminni ilaatigut Danmarkimi ilinniarnertuunngorniarfiit ilaat pulaassavaat, Parkenimiillutik arsaattunik isiginnaarlutik, Planetariamiillutik Idrætsinstituimiillutillu.

3.R Nuummeersu tmaannakkut Londonimiipput, misisigassarpassuaqassallutik tuluttulli ilinniarlutik.

Powered by Labrador CMS