Aasianni aningaasat unikkallarput
Aningaasanik tigusisarfiit aamma dankortit atorlugit akiliisarfiit Aasianni nunaqarfinnilu Akunnaami, Kitsissuarsunni Kangerlummilu atorsinnaanngikkallarput.
Tele Post-imi atortut iluarsinissaasa tungaanut Aasianni nunaqarfinnilu Akunnaami, Kitsissuarsunni Kangerlummilu niuerneq aningaasat tigummiaat atorlugit ingerlanneqartariaqarlerpoq.
Atortutigut ajutoorneq iluarsiniarlugu Tele Post suligasuarniarpoq atortut Aasianni ajutoormata. Ajutoorneq taanna pissutigalugu aningaasanik tigusisarfiit dankortillu atorlugit akiliisarfiit Aasianni nunaqarfinnilu Akunnaami, Kitsissuarsunni Kangerlummilu atorsinnaajunnaarallarput.
– Aasiaanni atortorissaarutitigut ajoquteqarnera pissutigalugu MPLS, Lanlink aamma ADSL Aasiaanni aammalu nunaqarfiit ukunani, Akunnaaq, Kitsissuarsuit kiisalu Kangerluk attaveqanngillat, taama nalunaarpoq Tele Postip ingerlatsinermut qullersaqarfia.
– Atortorissaarutit taartissamaataat Nuummiit Aasiannut nassiunneqareerput, naatsorsuutigaarpullu sisamanngornermi 21. oktober periarfissaq siulleq atorlugu apuussasut, aaqqiiniarnerlu piaarnerpaamik ingerlanneqassasoq, Tele Post nalunaarpoq.
Tele Post-imit erseqqissaatigineqarpoq Aasiaat Radiop attavii oqarasuaatikkut ajoquteqanngimmata.