Qanorooq Pulaarfimmut pilliutaavoq
Oqaloqatigilluni aallakaatitassiaq unitsinneqarallarpoq KNR ulluinnarni nutaarsiassanik aallakaatitsisalerniassammat.
KNR-p aqutsisuisa sapaatip akunnerani kingullermi nalunaarutigaat nutarsiassat Qanorooq taamaallaat sapaatip akunneranut pingasoriarluni saqqummertassasut. Tamanna tusagassiortussaaleqinerup nutserisussaaleqinerullu kinguneraa. Taamatulli ingerlasoqassanngilaq, KNR.gl maannakkut nalunaarpoq.
Qanorooq ataasinngornermiit tallimanngornermut nutaasiassanik aallakaatitsisassaaq. KNR Produktionip pisortaa Frederik Lund nlaunaarpoq, tamanna periarfissaqalersoq sulisut nikinnerisigut, Pullarfik matugallarlugu sulisoq KNR-imi nutaarsiassaqartitisinermut nuulluni.
KNR-p akuttunerusumik tv-aviseqartitsisalerniaraluarnera peqquteqarpoq inuiaqaitiginni kiffartuussisut namminersorlutik oqartussani taassumalu ataani ingerlatsivinni atorfinitsitseqqusiunnaarallarnerup malunniunnera.
Piffissap ilaani Qanoruumi atofiit pingasut inuttalerneqarsimanngillat, sivisuumillu aaqqissuisup, tusagassiortup ataatsip affarmillu sulisinneqartup nutaarsiassanillu atuaasup unnukkut nutaarsiassat imarisaat suliarisussaasimavaat. Nutserisut inuttassaqanngitsut Qanorooq qallunaatut oqaasertalersortussaavaat.