Puisi soqutigineqaleriartorpoq

Brigitte Bardot siuttoralugu puisi nunarsuarmi tamarmi atorneraqunnaavereerluni maannakkut siuariartoqqilerpoq.

Assilisittartoq Brigitte Bardot siuttuulluni Canadamiit puiseeqqat amiinik atisanik akerliummat tamanna nunatsinni piniartunut ajorluinnartunik kinguneqaroq, tassanngaannaq inuutissarsiutertik annaagamikku, taamanikkulli paasitsitsiniaraluartoqartarsimavoq.

Tamanna ukiut 20-t matuma siorna pivoq, ullumikkullu ima isikkoqarpoq nunarsuarmioqatigiit nassuerutigilerunarlugu Bardotip akerliunera paasinerluinarmik tunngaveqartoq.

Taama ullumi allappoq Børsen atisanillu ilusilersisartoq Nickie Isaksen assersuutitut atorlugu.

- Nammineq puisit puisillu amii pillugit tusagassiortut tuluit allatigut silatulluartut peqatigalugit oqallinnerpassuarnut peqataasarsimavunga - taakkumi ilisimalluarsorisimvaat puisip neqaa nerineqarneq ajortoq, amialu nunatsinni ulluinnarni atorneqarneq ajortoq, tamannalu 'ilisimanerarlugu', Børsenimut oqarpoq.

Inuit puisinik inersimasunik naakkittartumik piniariaaseqarput. Neqaa nerisarpaat suullu taamaasa uumasumi atorneqarsinnaasut atortarlugit soorlu tamanna itsarli ileqquusoq. Piviusut tamakkut pingaarluinnartuupput, tassalu inuiaat Inuit naakkittartumik piniariaatsinik ingerlatsisuusut, piaqqanilli miniarneq ajorlutik, taamaallaalli puisinik inersimasunik, paasissutissallu tamakku soorlu aatsaat paasineqalersut, nunatsinnilu puisinik iluaquteqarnerup ilorraap tungaanut ingerlalernissaanik kinguneqartut.

Isumaqarpoq puisit amiinik tunisassiorneq pitsanngoriaqqissinnaasoq.

Powered by Labrador CMS