Kalaallit qallunaallu imigassartornerpaapput

Qallunaat kalaallillu nunani avannarnerlu imigassartornerpaapput. Taama allappoq Ritzau.

Imigassartorneq nalilerneqartoq tassaavoq inoqassutsimut naleqqiullugu imigassaq qanoq annertugisoq pisiarineqartarnersoq. Tamanna nunani avannarlerni 2010-mut tunngatillugu naatsorsueqqissaarnermut atukkami, tassanili suut peqqutaanersut nassuiarneqanngilaq, aammali erseqqissareqarluni imigassat nunap killeqarfiata avataani pisiarineqartartoq ilaatinneqanngitsoq. Nunani avannarlerni imigassaq pisiarineqartoq annikilleriarsimavoq, taamaattoq Norgemi pinnani, tassani annikitsumik annertuseriarsimalluni. Kalaallit Nunaanni imigassamik tuniniaaneq inuttussutsimut agguaqatigiissillugu 2008-mi 12 literiusimariarluni 2009-mi taanna 10 literimut apparsimavoq - aamma taamaapput Danmarkimi kisitsisit.

Atuakkami imigassamik tuniniaanerup annikillisimaneranut nassuiaatigineqarpoq, nunania avannarlerni imigassamik tuniniaaneq killilersorneqarmat atuinerup millisarnissaa siunertaralugu. Kisitsisiniipput immiaaqqamik, viinnimik kimittuunillu tuniniaanerit.