Nunaqarfiit millionærertaqanngillat
Nnatsinni nunaqarfiit ilaanni 14-ini innuttaasoq ataasinnguarluunniit ukiumut 500.000 koruunit sinnerlugit aningaasarsiorneq ajorpoq.
Annonse
Nulunaarusiakkut nutaakkut "Kalaallit Nunaanni najugaqarfiit killiffiat - pingaartumik nunaqarfiit sammillugit" nunaqarfimmiut aningaasarsiakinnerat uppernarsarneqarpoq. Nunaqarfinni piitsuunerpaani najugallit Nuummiunit ukiumut agguaqatigiissillugu 180.000 koruuninik ikinnerusunik aningaasarsiortarput.
Sermitsiami sapaatip akunnerani uani saqqummersumi nalunaarutsiaq nutaaq misissorparput nunaqarfiillu aningaasaqarnikkut inissisimanerat aviisimi oqaluuserineqarpoq.
Sermitsiaq sap. ap. 43-mi saqqummersoq nunami tamarmi pisiniarfinniippoq. Aamma e-aviisi pisiarisinnaavat aviisilu ingerlaannaq atuarlugu, ataani linki toorukku.