Ilinniarfiit killerlersukkat
Nunarput tamakkerlugu ilinniartut tamarmik ilinniarnermi nalaanni annerusumik minnerusumilluunniit internetikkut attaveqarnissartik pisaraqartippaat, Tele Greenlandillu Internetimut akigititai peqqutaallutik killilersorneqarput
Ilinniarfiit amerlasuut ikinngitsunik ilinniartoqartartut killeqanngitsumik internetikkut attaveqarnissartik pisariaqartippaat, Tele Greenlandimiilli akigititaasut annertummata atuisut internetimik atuinerat killilersorneqartarpoq.
Ilisimatusarfinni attaveqaqatigiinnerminni internetti atortarpaat, fagillu amerlasuut internettikkut attaveqarnissaq pisariaqartittarlugu. Nunat tamalaat qaffasissussaannut malinnaaniarnermi Ilisimatusarfik Nuummiittoq kinguarsimalersimavoq.
– Ilisimatusartunut internetti pingaartorujussuuvoq, akillu qaffasinnerat peqqutaalluni killilersuutaasut ajoraluartumik aalajangiusimaannartariaqarpagut. Nunanummi tamalaanut malinnaassagutta killeqanngitsumik internettimut atuisinnaasariaqarpugut. Malinnaaniarnermilu amigaateqaqaagut, Ilisimatusarfimmi pisortaq Estrid Janussen oqarpoq.
Ilinniarfiit allat qanoq oqarnersut, qanorli internetimut qaammatikkaarlugit akiliisarnersut sermitsiaq nr.43-mi atuakkit.