NunaMinerals erlinnartunik qalluivoq
Kuulti tassaaginnarpoq aatsitassat erlinnartut ilaat nunarsuarmi qeqertat annersaanni nassaassaasut, tikikkuminaatsumiittulli, piiarneqarsinnaanersullu nalileruminaalluni. Tamannali kalaallit suliffeqarfiutaata NunaMineralsip uniffiginngilaa.
Danmark nalinginnaasumik aatsitassarsiornermut tunngatinneqarneq ajorpoq, 2008-mili kalaallit suliffeqarfiutaat anginngittoq NunaMinerals qallunaat nunaanni børsenimi nalunaarsorneqarpoq, taamaalilluni Kalaallit Nunaanni pisuussutinik ujaaseqataasinnaalluni.
Kalaallit Nunaat sananeqaatimigut nunanut Canadamut, Australiamut, Sverigemut Finlandimullu assersuunneqarsinnaavoq, taakkunanilu aatsitassarsiorneq inuutissarsiutaavoq annertooq.
Naak 1700-kkunili Kalaallit Nunaanni aamarsuarsiorfeqaraluartoq taamaattoq nuna annertunerusumik misissorneqarsimanngilaq. Suliffeqarfik Kalaallit Nunaanni aatsitassarsiornermi suliaqartuni siuttut ilagaat, siusinnerusukkullu Kalaallit Nunaanni kuultisiorfiit siullersaanni tunuliaqutaalluni. Taama allappoq Børsen.