Nunatsinnukarniarlutik sikkilertut
Esbjergip Realskoleani atuartut 40-t kommunimi qinikkanik ishockeytartunillu peqateqarlutik Kalaallit Nunaannut angalanissaminnut aningaasanik katersiniarlutik sikkilerput.
Annonce
Esbjergip Realskoleani 6. klassit marluk Nuummi tammaarsimaanissaminnut 6. klasseqatimillu tikeraarnissaannut aningaasanik katersiniarlutik sikkileqaatigiissuatarput.
Taama allappoq Ugeavisen Esbjerg.
Sikkilernerat kommunimi naalakkersuinermik sulialinnit marlunnit ishockeytartunillu malrunnit taperserneqarpoq, oqaatigineqarporlu atuartut 92.888 kronit katersorsimagaat.
Aningaasat timmiartornermut atorneqassapput, taamatulli paarlaasseqatigiilluni angalanermi allarpassuarnik aningaasatuuteqartussaavoq, atuartummi tikeraarnerminni aamma allanik misigisassarsiortussaapput.
Danmarkimi 6. klassit aamma Esbjergimi tikeraaqqinneqartussaassapput.