Aningaasanoorutinut akiliinerusoqartalissaaq

Aningaasanoorutit 175.it nunatta karsianut 11,9 million kroninik isersitsissutaasarput.

Aningaasanoorutinut tilliluutut taaneqartartunut pissarsissutaasartunut akitsuut 2011 qaffassaaq. Aningaasaqarnermut naalakkersuisoq Palle Christiansen Demokraatineersoq ualimut Inatsisartut ataatsimiittarfiani aningaasanoorutit 5.000 kroninik qaffannissaannik siunnersuuteqassaaq.

Ullumikkut nunatsinni 175-inik aningaasanooruteqarpoq,; tassaanerupput 'tillituut illuinnarmik talillit',kisiannili aningaasanoorutit allat nuannaarniutit ilaasa akitsuutaat qaffaanermi ilaatinneqassanngillat.

Palle Christiansenip ersertuutinngilaa, siunnersuuteqarnermini aningaasanik amerlanerusunik isertitsinissaq siunertaralugu siunnersuuteqarami, aningaasanoorutinit iluanaarutiniit aallernikkut:

Tillituut illuinnarmik talillit: Aningaasanoorut siulleq 64.000 kroninik akiliissutaasassaaq, tullia 70.000 kroninik tulliilu ukiumut 76.00 kroninik akiliissutaasassallutik.

Aningaasanoorutit nuannaarniutit akitsuutaat allanngussanngilaq: Siulleq 5.460 kroneqassaaq, tullia 6.540 kronit tulliilu ukiumut 7.630 kroneqassallutik.

Palle Christiansenip naatsorsuutigaa aningaasanoorummut ataatsimut 5.000 kroninik qaffaaneq ukiumut nunatta karsianut 900.000 kroninik isertitsissutaanerusalissasoq, taamaalillutik taakkunatigut ukiumut isertitat 11,9 million kroniullutik.

Pinnguaatinik tiguartittarneq - nuannaarnerup illua tungaa

Nunatta karsiata annerusumik akitsuusiinissaa allatuulli aamma illuatungeqarpoq: Nunatsinni pinnguaatinik tiguartinnermik nappaateqarneq atugaaqaaq, taamatullu noqinneqarsinnaanngitsumik tiguartittarneq imagassamik allanillu atornerluinermik katsorsartinnertuulli katsorsarneqarsinnaavoq. Atornerluinerulli qanoq annertutiginera oqaatigiuminaappoq.

– Pinnguaatinik tiguartittarneq ajornartorsiutaavoq suli paqumigineqartartoq. Nuummi Katsersaavimmiit Grethe Kramer Berthelsen oqarpoq.

Powered by Labrador CMS