Nivissanut erinarsoqatigiinnut nutaanut erinarsortussarsiorneq
KNR-p nivissat erinarsoqatigiit KNR-ip Qupannavaatai pilersinniarpai. Mads Lumholt, Julie All Stars-imit aamma erinarsoqatigiinnit Aavaat ilisimaneqartoq, erinarsoqatigiinni nutaani aqutsisuussaaq.
Aqagu oktobarip 2-anni KNR-imi kalaallit nivissat erinarsoqatigiivinut KNR-ip Qupannavaatai misilitsittoqarsinnaavoq. Erinarsoqatigiit Dansk Radiopigkor assigilluinnassavaat.
Qaaqqusineq DR suleqatigalugu ingerlanneqarpoq nivissallu erinarsorumatuut 14 aamma 20 akornanni ukiullit kajumissaarneqarput nalunaaqutaq 14.00-miit piginnaasaminnik misiliiartoqqullugit. Taamatut allappoq knr.gl.
Aamma meeqqanik erinarsoqatigiinnik pilersitsisoqassaaq, taamaattumik nukappiaqqat niviarsiaqqallu 6-13-inik ukiullit aamma misilitsikkiartorsinnaapput.
Nivissat erinarsoqatigiit KNR-ip Qupannavaatai marlunngornerit sisamanngornerillu tamaasa nal. 16.30-miit 18.00-mut sungiusartassapput. Sukkasuumik erinarsuutit arlallit immiullugit aallartinneqassaaq, KNR radio-mi ullormi erinarsuutitut atorneqartartussat.
Erinarsoqatigiit pilersinneqarnerat KNR-p malinnaaffigissavaa immikkoortunillu sisamanik piviusulersaarutitut aallakaatitassiarissallugu 2011-mi takutinneqartussanik.