Aningaasanik tigusinissat eqqaamajuk
Internetti dankortillu terminalii unnugu kigaannerusumik ingerlassapput.
Tele Greenlandip nuna tamakkerlugu digitalt tv-mik piareersaanera ADSL-imi MPLS-imilu Kalaallit Nunaanni tamarmi tallimanngornermi oktobarip aallaqqaataani, arfininngornermi oktobarip 2-anni sapaammilu oktobarip 3-anni piffissami 22.00-miit ullaakkut 06.00-imut lanlink-imik dankortimillu atuinermik akornusersuissaaq.
Tele nalunaarpoq akornusersuinerit malugineqartassasut sivikitsumik attaveerunnikkut internettillu sukkaannerusumik ingerlaneratigut.
Unnuakkut inuppassuit tipaatsussagunaqaat akissarsisoqarmat illoqarfinnilu arlalinni tusarnaartitsisoqassalluni. Aningaasanilli tigumiaqanngikkaanni utaqqingaatsiartoqartariaqassaaq, tassa dankortit terminalii kigaatsumik ingerlassammata oqaatigineqareersutullu piffissani sivikitsuni attaveeruttassallutik.