Kuupik kukkusumik issuarneqarpoq

Kuupik Kleist oqarsimanngisaannarnerarpoq qinikkat sulinissaminnut pikkorluttuusut.

Kuupik Kleist ippassaq uani nutaarsiassaqartitsivimmi KNR-ip radioaviisianut oqarsimanerarneqarpoq, Inatsisartuni oqallinneq avaanngunartuusoq, soorlu oqallinnermi qulequttat pingaartinneqarunnaarsimasut. Aamma oqarsimanerarneqarpoq qinikkat sulinissaminnut pikkorluttuusut.

Tamanna eqqunngilaq. Naalakkersuisut siulittaasuat KNR-imut ima oqarpoq:

- Ullorpassuit eqqarsaatigigaani isumaqarpunga, oqallinneq avaanngunartoq. Massakkut Inatsisartut ataatsimiinneranni apeqqutaajunnaartutut isikkoqarpoq, suna oqaluuserineqarnersoq. Inuit naalakkersuineqataanerannut tamanna pitsaanngilaq, Kuupik Kleist oqarpoq.

Nutaarsiassaq iluarsisimavoq ataani atuarneqarsinnaavoq. Kukkuneq Sermitsiaq.AG-mi ajuusaarutigaarput.

Powered by Labrador CMS