Qipoqqarmik pisaqarnermiit arfernik isiginnaarneq
Nunani 13-ini arfernik isiginnaariartitsisartut 80-it sinneqartut naalakkersuisut qinnuigaat qipoqqarniarneq unitseqqullugu.
1980-ikkunniilli aatsaat siullermeertumik aasaq manna nunarput qipoqqarnik qulingiluanik arfattassinneqarpoq, namminersorlutillu oqartussani atorfilittani, piniartut akornanni innuttaasunilu nuannaarneq annertoqaaq. Nunanili allani arfernik takuniaatitsisartut naalakkersuisunut allagarlutik qipoqqarnik arfanniarneq unitseqquaat, taama allappoq knr.gl.
- Qipoqqarniarneq arfernuinnaq alianarani aamma Kalaallit Nunaata arfernik isiginnaariartitsisarneranut annertusiartortumut akornusiissaaq taamaalillunilu takornariaqarnermut tamarmut akornutaassalluni aningaasaqarnermullu, ilaatigut Naalakkersuisunut kimigiisernermi allassimavoq.
Arfernik isiginnaartitsineq nunarsuarmi tamarmik 3 milliard kronit missaani isertitsiffiusarpoq, qipoqqaallu takornarianit alutorineqarnerpaasarput.
- Arfernik isiginnaariartitsinermi isertitat, suliffissat ilalerneqarnerlu takutitsipput qipoqqaat uumatilltik Kalaallit Nunaannut naleqarnerusut toqungasuninngarnit, allakkami allassimavoq.