Upernavimmiit meeqqat Odensemi

Margrethe skolenimiit meeqqat atuartut 16-it maannakkut Odensemi ilaqutariinni najugaqarput.

Upernavimmiit meeqqat atuartut sapaatip akunnerini marlunni Odensemi ilaqutariinni najugaqassapput. Ilinniartitsisuisa marluk tassaapput Helene Mørchip aamma Nuka Sørensenip meeqqat ilagaat naak ilaqutariinni najugaqaraluartut.

Septembarip 30-aniilli meeqqat Odensemiipput, tassani atuarfinni tallimai assigiinngitsuni 6. klassemi oktobarip 13-ata tungaanut atuareerunik angerlamut utissallutik.

Meeqqat ilaqutai angalanissamut tassunga sipaarsimapput, meeqqatik misigisassarsiorniassammata.

Ukiup aappassaa Upernavimmiit meeqqat atuartut Odensemiipput. Upernavimmi Odensemilu neriuutigineqarpoq tamanna ileqqunngorumaartoq.

Upernaviup kommunerisimasaa ukiorpassuarni Odensemik illoqarfittut ikinnguteqarpoq. Qaasuitsup Kommunea maannakkut Upernaviup kommunerisaa qanittukkut Odense Kommunimik illoqarfittut ikinnguteqalerpoq.

Powered by Labrador CMS