Meeqqat oqaluttuat oqalualaallu sammissavaat
Nuummi atuartut kalaallit oqaluttuaat oqalualaavilu ilinniassavaat ilaatigut atisat (isiginnaartitsinermi), taninneq pinnguarnerlu atorlugit.
Pisuusaartitaq ateqarpoq "Innersuit", Nuummi atuartut sapaatip akunnerani aggersumi peqataaffigisassaat. Isiginnaagassiaq arfininngornermi oktobarip 9-ani kulturip illorsuani Katuami takutinneqassaaq.
Københavnimi Rollespilakademiet-imit ilitsersuisunik tikittoqassaaq, taakkualu kalaaleqw isiginnaartitsisartoq Vivi Sørensen peqatigalugu Nuummi atuartut isiginnaartitsinermik ilinniartissavaat.
– Tamakkiisumik isiginnaagassialerineruvoq meeqqat peqataaffigisassaat. Tamanna pissaaq isiginnaagassiamik ajornanngitsuararsuarmik, NAPA-p pisortaa Leise Johansen sermitsiaq.ag-mut oqaluttuarpoq.
– Oqaluttuanik oqalualaanillu ilinniariaaseq pitsaasuuvoq. Meeqqat taamaasillutik kulturikkut kingornussat ilinniarsinnaavaat, isiginnaagassiaq pillugu taanna oqarpoq, tassanilu aalajangersimasunik oqaluttoqanngilaq manuskripteqarnanilu.
Isiginnaagassiap ilarujussua pinnguarnertut taaneqarpoq, imaqassalllunili nunatta oqaluttaanit oqalualaavinillu.
Arfininngornermi oktobarip 9-anni meeqqat 8 sinnerlugit ukiullit Katuap saavanukarsinnaapput nal. 12.00 isiginnaagassiamillu Innersuit misiliillutik. Isiginnagassiaq SANA-p tunuani ingerlanneqassaaq Katuamullu utissapput nalunaaqutaq 16.30.
Angajoqqaanut soqutiginnittunullu allanut paasissutissiilluni ataatsimiititsisoqassaaq sisamanngornermi oktobarip 7-ianni, Katuami Ikinngutigiit inaanni nalunaaqutaq 19 aamma 21 akornanni.
Aaqqissuussamik ingerlatsisuuvoq NAPA.