Qaleralittassat 500 tonsinik amerlineqarput
Naalakkersuisut sisamanngormat ataatsimiinnerminni aalajangerput Uummannap eqqaani sinerissamut qanittumi aalisarfimmi qaleralittassat 500 tonsinik amerliniarlugit.
Uummannami aalisartut sisamanngormat amerlanerusunik qaleralittassinneqarput. Pisassat 500 tonsinik amerlineqarput.
Taamaasilluni Uummannap eqqaani qaleralittassat suli alisarneqarsimanngitsunik ukiup sinnerani katillugit 549 tonsinik ilaneqarput.
Ilanngullugu Naalakkersuisut aalajangerput pisassanit 100 tonsit sinneruppata taakkua angallatinut mikinerusunut immikkoortinneqassasut. Amngallatit anginerusut aalisarfinni Upernaviup Qeqertarsuullu Tunuata eqqaanut qaleralinniarnissaannut innersuunneqarput. Angallatinut anginerusunut killissaritinneqarpoq 8 meterinik anginerusumillu angissusillit, Kalaallit Nunaanni Aalisarnermik Nakkutilliisoqarfimmit nakkutigiuminarneroqqullugit.
- Pisassat amerlineqarnerannut atatillugu erseqqissarneqassaaq pisassat amerlineqarnerannut piumasaqaataammat umiarsuarnut allattuiffimmut allattuinerup annertuumik pitsanngoriartinneqarnissaa aammalu inatsisit malillugit tamaani aalisartoqarnissaa. Tamatumuunakkut tamaani aalisarneq malinnaaffigilluarnerusinnaavarput aalisakkallu amerlassusaat allanngussappat tamanna malinnaaffigisinnaallugu. Ilanngullugu eqqaamassavarput umiarsuarni allattuiffiit Pinngortitaleriffiup aalajaannerusumik qaleralinniarnermi siunnersuisarnissaanut qitiusumik inissisimammata, Aalisarnermut, Piniarnermut Nunalerinermullu Naalakkersuisoq Ane Hansen oqarpoq.
Uummannap eqqaani aalisarfeqarfimmi sinerissamut qanittmi 2010-mut qaleralittassat 5.000 tonsinut Naalakkelrsuisut aalajangersimavaat.