Nunatta neqaatai Magasin-imi
Århusimi Magasin immikkut illuinnartumik Klaus Andreassenimut matut ammarpai, taanna Århuys Festuge-mut atatillugu tallimanngornermi arfininngornermilu umimmaat neqaannik tuniniaassalluni.
Annonse
Norden Folkekøkken Århus Festugemut atatillugu umimmaat neqaannik sassaallersinnaaneranut pissutaavoq Klaus Andreassen, ingerlatsivimmik DayCatch Greenland-imik ingerlatsisoq, umimmaat neqaannik pilersuisinnaammat.
Immikkut illuinnartumik Århusimi pisiniarfimmi Magasin-imi tuniniaavimmik inissiinissaminut akueraineqarsimavoq, tassanilu nunatta mamartuutaanik ulluni tallimanngornermi, aqagulu arfininngornerup septembarip 4-aata ullaavani tuniniaassalluni.