Qallunaat umiarsuaar Nordøstpassagekkut ingerlavoq
Qallunaat umiarsuaat assartuut M/V Nordic Barents ullumi Nordøsrpaaasgekkooriartorluni aallarpoq. Tamanna umiarsuup iluatsissappagu, umiarsuaq oqaluttuarisaanermut ilanngutissaaq.
Nordøstpassagekkoornissaq iluatsissappat qallunaat umiarsuaat assartuut M/V Barents oqaluttuarisaanermut ilanngutissaaq. Taanna ullumi Norgemi Kirkenesimiit aallarpoq Ruslans avannaqqullugu Kinamukassalluni. Umiarsuullu anguniakkani angussaguniuk umiarsuarnit allamiut erfalasuannik erfalasulinni siullersaalluni Ruslandi avannaqqullugu angalasimassaaq.
Inuit umiarsuit atorlugit angalasalermatali Kinamut umiarsuakkut aqqummik ajornannginnerullunilu akikinnerusumik nassaarniartoqartuarsimavoq. Ilaatigut Europamiit Zueskanalikkoortoqartarluni, massakkulli sermeq aakkiartormat aqqummik akikinnerusumik naannerusumillu nassaarnissaq periarfissarsiorneqalerpoq. Nordøstpassagekkoortluni Kinaliarnissaq ullunik 24-nik sivisussuseqassaaq, tassa Suezkanalikkoornermiit ullunik 15-inik sivikinnerulluni.
Umiarsuaq saviminissanik 41000 tonsinik useqarpoq, Kirkenesimi saviminissarsiorfimmiit Kinami saviminiliorfimmut assartorneqartussanik.