Vejle Fjordimi tikaagulliusaaq napparsimasimanngilaq
Issakkunni Vejle Fjordimi tikaagulliusaaq tusaamasaaqisoq sooq ikkannissimanersoq pillugu nassuiaatissaqanngilaq.
Ilisimatuut uumasullu nakorsaasa arferup uummataa, puai, qarnaniit inaluaanut misissoraluarpaat, paasisinnaanngilaalut sooq tikaagulliusaaq kangerlummut pulasimanersoq, juunillu qiteqqunnerani toqulluni. Taama allappoq vejleamtsfolkeblad.dk.
Arfeq ikkannissimaspq ilisimatuut ukiunik 15-inik ukioqarnerarpaat, qallunaallu imartaanut pisimasinnaanerarlugu aalisannik malersuinermini. Esbjergimili Aalisarnermut imarsiornermullu katersugaasivimmiit biolog attaveqaatinullu pisortaq Ragnhild Skov naapertorlugu tamakku eqqoriaanerinnaapput, pilallugulu misissornerani tikaagulliusaap nappaateqarsimaneranik takussutissaqanngilaq.
- Arferup sanigorsimanera Vejle Fjordimullu ingerlasimanera imminnut attuumassuteqanngeriaannaapput, Ragnhild Skov oqarpoq.