Ilulissani postboksit nutaat
Ilulissani Tele-Postimi atuisut ammasarnerup avataani poortukkanik angisuunik aallersinnaanngorput.
POST-imit maanna postboksit nutaat, postboksilinnut nassiussarsiassaminnik postboksimut nalinginnaasumut ikineqarsinnaanngitsunik aallerfiusinnaasut misiliutigalugit atuutilersilerpai. Ilulissani TELE-POST Centeri siullersaalluni postboksinik taama ittunik ikkussuivigineqarpoq
Taakku ikkussunnerisigut allakkamik poortukkamilluunniit allakkatut nassiussamik ammasarnerup nalinginnaasup avataatigut aallersinnaanissaq periarfissaalerpoq, taamaalillutalu atuisutta suli pitsaanerusumik sullinnissaannut periarfissaqalerluta.
Igalaasami ”toorsinikkut”, aammalu postboksip automatiani stregkode-mik scannerinikkut postboksip matua ammassaaq, atuisullu nassiussarsiassani tigusinnaanngussavaa. Tamannalu pisariitsunnguuvoq.
POST-ip aamma sullississutitut nutaatut Ilulissani atuisuminut maanna email-imik SMS-imilluunniit nassiussisinnaanngorpoq allagaq poortugarluunniit postboksitaamutikisimaleriaraangamiuk. Perissamik tamatuminnga atuineq akeqanngilaq.