Norskit tammaaneqartut qanoq pisimanerannik oqaluttuaq
Norskit tammaaneqartut ilaqutaasa ujaasinertik unitsippaat.
Norskit tammaaneqartut, juulip 31-ianni Arnangartup Qooruanut aallarsimasut, nassaarineqarnissaat politiit neriuutaaruppaat. Sisamanngormallu norskit tammaaneqartut ilaqutaasa ujaasinertik unitsippaat.
Norskit tammaaneqartut qanoq pisimanerat Ritzau-p oqaluttuaraa:
* Arfininngorneq 31. juli: Norskit pingasut Magnar Haarr (24-inik ukiulik), Tormod Aniksdal (24-inik ukiulik) aamma Jonas Reiestad (31-inik ukiulik) qissattariartut angallammik Arnangarnup Qooruanukaanneqarput.
* Tallimanngorneq 7. august: Norskit pingasut, kalaallimit piniartumit angallammik aaneqartussat, naapiffissatut isumaqatigiissummut takkutinngillat.
* Arfininngorneq 8. august: Ujaasineq aallartippoq.
* Ataasinngorneq 9. august: Angut ipeqqasoq Arnangarnup Qooruani kuummi nassaarineqarpoq. Ulloq taanna nammattakkat pingasut norskit pii nassaarineqarput. Ilaat assiliivimmik imaqarpoq aggustip 4-aanni assilineqarsimasunik imalik. Aamma nassaarineqarpoq luftmadrassinik umiarialiaq.
* Pingasunngorneq 11. august: Ilaqutaat nunatsinnukarput ujaasinermi peqataajartorlutik. Ulloq taanna toqungasoq nassaarineqartoq kinaassusersineqarpoq Tomod Aniksdal-iusoq. Pingasunngornermi unnuap qeqqalersoq nunatsinni politiit sinnerisa marluk, Jonas Reiestadip Magnar Haarr-illu nassaarinissaat ilimagiunnaarpaat ujaasinertillu unitsillugu.
Sisamanngorneq 12. august: Ilaqutaasut helikopterimik ujaasipput kinguneqanngitsumilli. Unnukkut ilaqutaat aalajangerput Norgemut uterniarlutik.