Saviminissaqarferujussuaq

Ove Karl Berhelsenip NunaMinerals Inglefield Landimut tikeraarpaa.

Kalaallit aatsitassarsioqatigiiffiutaat NunaMinerals ukiormanna Ingefield Landimi Qaanaamiit 115 kilometerinik avannarpasinnerusumiittumi aatsitassanik ujaasivoq, saviminissaqarferujussuarmillu nassaarsimalluni.

Aatsitassanut naalakkersuisoq Ove Karl Berthelsen ulluni makkunani Inglefield Landimiippoq, NunaMineralsillu siulersuisuisa aqutsisuisalu peqarfimmik suliffeqarfiullu suliaanik ilisimatissavaat.

Ujaqqanik nunaannarmiittunik misissuinikkut paasineqarsimavoq ujaqqat saviminermik 62 procentinik akoqartut. Suliffeqarfiulu direktøriata Ole Christiansenip oqaatigaa, Inglefield Landimi »saviminissaqarferujussuarmik Sverigemi Kirunamut assersuunneqarsinnaasumik« peqartoq.

Kalaallit Nunaanni Namminersorlutik Oqartussat ullumikkut NunaMinerals A/S-imi 37 procentinik pignneqataapput, Inglefiedimilu saviminissarsiortoqalissappat landskarsi aningaasaliisut annersaattut iluanaaruteqarujussuartartussaavoq.

Inglefield Land pillugu Sermitsiami ullumikkut saqqummersumi annerusumik atuagassaqarpoq, taannalu ugguuna pisiarisinnaavat:

Powered by Labrador CMS