Qallunaat takornariartaataat ikkussimavoq
Qallunaat takornariartaataat Canadap avannaani ikkarlummut ikkussimasoq qaanngartinniarneqassaaq.
Qallunaat takornariartaataani 'Clipper Adventurerimi' aqumiut umiarsuup kaangartinniarnera taamaatiinnarpaat.
Takornariartaat Canadap issittortaani ikkarlummut ikkusimavoq, arlaleriarlugulu kaangarteriaraluarnera iluatsinngilaq, International Shipping Partnersimi pisortaq Niels Erik Lund oqaluttuarpoq.
- Sisaap ajoquserneranik naliliisartut umiartuarmiipput. Nalilliineq ullut marlussuit atorlugit ingerlanneqassaaq. Kingorna umiarsuaq kalillugu kaangartinneqassaaq, Niels Erik Lund oqaluttuarpoq.
Umiarsuaq takornariartaat ukiunik 35-nik pisoqaassusilik ‘Clipper Adventurer’ Danmarkimi umiarsuaatileqatigiinnit Clipperimit pigineqarpoq, Miamimili International Shipping Partnersinit ingerlanneqarluni. Umiarsuaq tallimanngormalli ikkarlippoq Nunavut eqqaani.
- Qaqugorujussuaq umiarsuaativut ikkarlummut immap assinganiinngitsumut ikkarlittarput. Pisoq ataasiinnaq eqqaavara, Niels Erik Lund oqarpoq.
Umiarsuaq uersimavoq, immattoqarsimagunanngilarlu immassimaneranilli taamatullu mingutsitsineranik malunnartoqarani.
Canadamiut sikunik aserorterutaat Amundsen ajutoortumut sapaatiummat annguppoq, silagikkallartillugulu ilaasut 118-it tamarmik sikunik aserorterummut nalunaaquttap akunnerisa sisamat ingerlaneranni qimarngussorneqarlutik.
Ilaasut maanna Kugluktumut ingerlanneqassapput tassanngaanniillu Edmontonimut timmisartuunneqassallutik. Ilaasut qallunaartaqanngillat. Aqumiut 69-iupput, Sverigemeersumik naalagaqarlutik, sulilu umiarsuarmiipput.