Hillingsø: Utoqqatserniarit, Lars Løkke
Isiginnaartitsisartup Ellen Hillingsøp, filmimi 'Eksperimentet'-imi meeqqat angerlarsimaffianni pisortaasup meeqqat pineqartut utoqqatserfigiumaneqannginnerat paasisinnaanngilaa.
– Uanga paasisinnaanngilara sooq kalaallit meerartaat angajoqqaaviniit peersillugit misileraassutigineqarsimasut statsministeri Lars Løkke Rasmussenip uttoqatserfigiumannginnerai. Taamanikkut Kalaallit Nunaanni Landsrådiusoq taamaalirtoqarnissaanut akuersisimagaluarpalluunniit. Utoqqatsernissaq kimut ajoqutaassagami?
– Uanga qitornakka ilinniartippakka, kukkusimagaangamik utoqqatsertassasut. Ajunnginnerpaamik isumaqarlutik kukkusimagaluarunilluunniit. Ullutsinni nalunngilarput iliuutsigut akisussaaffigisussaallugit. Aammalu naqisimaneqarsimasut kinaluunniit utoqqatserfigineqartussaavoq. Ilumut taamaappoq.
Isiginnaartitsisartoq 42-nik ukiulik Ellen Hollingsø, Louise N. D. Friedbergip filmiliaani 'Eksperimentet'-mi meeqqat angerlarsimaffiata pisortaatut Gert-itut - piviusut malillugit Dorothea Bengtzen - innuttaasimasoq taama oqaluttuarpoq.
Filmi arfiniinngornermi unnukkut takuteqqaarneqarpoq ilaatigut ilitsersuisoq Louise N.D. Friedberg aamma Ellen Hillingsø najuuttoralugit. Kulturip illorsuani Katuami Nuumiittumi.
*Eksperimentet' Katuami takuneqarsinnaavoq septemberip qulingiluaanniit septemberip 30-iannut.
Ellen Hillingsøp oqaloqatigineqarnerat sapaatip akunnerani uani AG-mi atuarneqarsinnaavoq, ilaatigullu linkimi ataaniittumi pisiarineqarsinnaalluni.