Nunani Avannarlerni Ministerit Siunnersuisoqatigiivi Kujataalialerput
Nunani Avannarlerni Ministerit Siunnersuisoqatigiivini atorfillit ataatsimiititaliaat marluk 2-7. september Kujataalialerput.
Ataatsimiititaliat tassaapput Inuussutissarsiornermik Ineriartortitsinermut Nunallu Immikkoortuinik Ineriartortitsinermut tunngasunik sammisallit, Taama nalunaarpoq Namminersorlutik Oqartussat.
Ataatsimiinnermi immikkut oqaluuserineqassapput Issittumi takornariaqarneq aamma nunap immikkoortuini unammilligassat. Ataatsimiinnermi Issittumi inukittuni inuussutis-sarsiornikkut ineriartortitsisinnaaneq pillugu arlalinnik oqalugiartoqassaaq, ataatsimiitita-liallu marluusut aallartitaannut oqalugiartoqarluni
Oqalugiartussat ilaatigut ilagaat Kalaallit Nunaanni Takornariaqarnermi Inuussutissarsiornermilu Siunnersuisoqatigiinni atorfilik Mads Skifte, taannalu Issittumi imminut akilersinnaasumik takornariaqarneq pillugu saqqummiussissaaq, kiisalu NORA-meersoq Lars Thostrup, taassuma oqalugiaatigissavaa nunap immikkoortuini ineriartortitsinermi takorluukkat -Nunani Avannarlerni Killerni Nordisk Ministerrådip ataaniittumik nunat killeqarfii akimorlugit suleqatigiinneq.
Aallartitat tikeraarnerminni Narsarsualiassapput, Igalikuliassapput Qaqortumukarlutillu, taakkunanilu ilaatigut takuniassavaat Ipiutaq Guest Farm, Great Greenland aamma upernaviarsuk, tassaasoq Namminersorlutik Oqartussat nunalerinermut misileraaviat ilinniarfiallu.