Avannaani angalaarfissat nutaat

Ilulissani angalaarfissatigut misilittakkat iluatsittut maannakkut Uummannami, Qasigiannguani Qeqertarsuarmilu ingerlanneqassapput .

Uummannaq - nunatsinni illoqarfiit inissisimanermigut kusaarnersat ilaat - aamma angalaarniartunut kajuminnarsissaaq. Assi: Leiff Josefsen

Aasap ingerlanerani Qaasuitsup Kommunata inuit kajumissutsiminnik suliniuteqartut peqatigalugit Uummannap, Qasigiannguit Qeqertarsuullu eqqaani angalaarfissat nalunaaqqutsersorpaat.

Ilulissat eqqaani nalunaaqutsersuineq iluatsittoq assigalugu nalunaaqutsersuisoqarpoq. Aqqutissat katillugit kilometerinik 30-inik isorartussuseqarput, ilaatigut Oqaatsunut, kommuni tusagassiuutitigut nalunaarummi allappoq.

Angalaarfissat qalipaatit assigiinngitsut atorlugit nalunaaqutsersorneqarput, taamaalillutik angalaartut isumannaatsumik ajornanngitsumillu angalaarsinnaallutik.

Aqqutissat siorartussuseq najoqqutaralugu immikkoortiterneqarput, aqqutissat aappalaartut naanerpaallutik, sungaartut (kajortut) akunnallutik, tungujortullu takinerpaallutik.

Illoqarfinni allani aamma aqqutissanik nalunaaqutsersuinerit kommunip ingerlatileruttorpaa. Aqqutissat nalunaaqutsersorneqareerpata nittartakkami saqqummiunneqassapput.

Powered by Labrador CMS