‘Esperanzamiit’ ikiortissarsiorneq
Jon Burgwald Greenpeacemi silaannap pissusaanik suliaqartoq maannakkut Greenpeacep umiarsuaani ‘Esperanzamiippoq’ qilelriviup eqqaani kilometerimik ungasitsigisumiittumi.
Isumaqarpoq uuliasiorfiit nunarsuarmi mianernarnerpaami uuliasiorlutik qilleritinnagit nunarsuatsinni naalakkersuisut nukissiuutinik minguitsunik piorsaaneq ineriartortitsinerlu ingerlattariaqaraat.
- Maannamut ukiut tamaasa sila peqqutigalugu milliuunerpassuit qimaasarput, nunarsuarmilu ikummatissat nunap iluaneersut ullumikkut atorfissaqartinneqanngillat. Aamma aamarsuarnik uuliamillu atuineq annikillisikkiartortariaqarparput. Taamaallaat piumassuseq iliuuseqarnissarlu amigaataapput.
Danmarkimi Greenpeacep nittartagaani taama Jon Burgwald ikioqqulluni allappoq.
Qeqertarsuup avataani umiarsuaq qillerivik Stena Don marlunngormat qileriunnaarpoq, ingasattajaarniat qilleriviup eqqaani isumannaallisaanissamut killigititaasoq 500 meteriusoq qaangermassuk. Taanna qaangerneqaraangat qilleriunnaartoqartussaavoq.