Politiit akerliuniat 'tiguaatippaat'
Isumannaallisaaneq peqqutigalugu Greenpeacemiit timmeralaap politiit angallataat marluk sanioqqussinnaasimavai.
Annonse
Taama nassuiaapput nunatsinni politiit knr.gl-imut.
Politiit naapertorlugit nalilersorneqartussaavoq pisumi aalajangersimasumi politiit akuliutissanersut.
- Uani pineqarpoq angallat sukkasuuliaq imaannarsuarmi angalasoq. Taamaattumik politiit pisussaaffigaat nalilersussallugu akuliunnermi politiit akerliunialluunniit inuunerannik navianartorsiortitsisoqassanersoq, vicepolitimesteri Morten Nielsen knr.gl-imut oqarpoq.
Nassuiaavoq, tamannarpiaq peqqutigalugu akerliuniat umiarsuarmut qillerisumut Stena Donimut anngussinnaasimasut. isumannaallisaanermi killigititaasoq 500 meteriusoq qaangerlugu.
Morten Nielsenip erseqqissarpaattaaq. akerliuniat pineqartut inatsisitigut malersorneqassasut.