Tunumut Paamiunullu millionit
Tunumi Paamiunilu aqqusernit aserfallatsaaliorneqarnissaannut, aputaajaasarnerinut, illoqarfiit saligaatsuunissaannut, anartarfiiaanerit eqqaavilernerillu pitsanngorsaaviginerinut 7,5 mio. koruunit tunniunneqarput.
Sanarfinermut Avatangiisinullu missingersuutit naligiissarneqarnerisa kinguneraat Tunumi Paamiunilu kiffartuussinerit ukiumut 7,5 mio. kr.-nik pitsanngoriaateqarnissaat, Kommuneqarfik Sermersooq tusagassiutinut nalunaaruteqarpoq.
Aningaasat aqqusernit aserfallatsaaliorneqarnerinut, aputaajaasarnerit, illoqarfiit saligaatsuunissasa, anartarfiiaanerit eqqaavilernerillu pitsanngorsaaviginerinut atorneqassapput.
Millionit taakku teknikkeqarfiup aamma pilersuinerup missingersuutaasa naligiissarneqarnerisigut pinngorput Kommuneqarfik Sermersuumilu kiffartuussinerit suli assigiiaarnerulernissaanut alloriarnerullutik.
Nutaatut ataatsimoortumik pisiniarnissamut kommunerujussuarmi puljamik pilersitsisoqarpoq. Puljap taarserpai kommunimi inoqarfinni minnerni nutaanik pisinissamut missingersuuteerarpassuit aserfallatsaaliinermut maskinanullu nutaanut pisiniarnernut atorneqassalluni.
Missingersuutit naligiissarneqartut aamma periarfissiissapput piffinni susoqarneranik missingersuutillu ersarinnerulerlutik.