Narsarsualiartussaagaluit Kangerlussualiaanneqarput
Sila peqqutaalluni Air Greenlandip timmisartuussineri Københavnip Narsarsuullu akornanni iluatsinngitsoorput.
Annonse
Timmisartoq GL785 københavnimiit Narsarsuarmut ingerlaartoq Kangerlussualiartinneqarpoq, Air Greenlandimit nalunaarutigineqarpoq.
Ilaasut kujataanukartut aqagu sapaammi Narsarsuarmut ingerlateqqinneqassapput timmisartumik attartukkamik Jet Time-imeersumik. Ilaasussat Københavniliartut tassanngaanniit ingerlanneqassapput.
Allakkat poortukkallu kujataanukartut kujataaneersullu timmisartumi inissallit ilanngunneqassallutik.