Qeqertarsuaq nioqqutissanik amigaateqarpoq
Illoqarfimmi Pilersuisup pisiniarfiani nioqqutissarpassuit ulluinnarni atortakkat amigaataanerat innuttaasut qatsuppaat. AG takuuk.
Annonse
- Illoqarfitta nioqqutissanik pilersornerlunneqarnera uparuartariaqarpara, tamannalu atuuttarpoq aasakkut ukiukkullu. Tamanna isornarluinnarpoq, Anni Dahl, Qeqertarsuarmi najugalik oqarpoq.
Isornartorsiuineq Pilersuisup qullersaqarfianut anngunneqarpoq, tassanilu attaveqarnermut pisortaq Shiva Xenia Brunsvig nassuiaavoq decembarimiit maajimut ullut 14-ikkaarlugit umiarsuarmik nioqqutissanik tikittoqartartoq. Tamatuma saniatigut januaarimiit apriilimut qaammammut ataasiarluni illoqarfik nioqqutissanik pilersorneqartarpoq sikumik ajornartorsiuteqartoqanngikkaangat.