Cairn Energy ingerlalluartorujussuuvoq
Ajoraluartumik Indiami, nunatsinniunngitsoq - suli.
Annonse
Cairn Energy, Qeqertarsuup eqqaani uuliamik ujaasilluni qillerisoq, Indiami aningaasarsiortorujussuuvoq. Tamanna atuarneqarsinnaavoq Indiami Nationalbørsimut aammalu Bombay-mi børsimut, børsinut nalunaarummi, taamatut allappoq knr.gl.
Ukioq manna kvartalimi siullermi selskabip kaaviiartitaasa 100 millioner dollarsit sinnersimavai, tassa siorna kvartalimut siullermut sanilliullugu sisamariaatit sinnerlugit amerleriarlutik.
Tamatumunnga pissutaavoq Cairn Energyp Rajasthanip eqqaani qillerini uuliamik annertuumik pissarsiffiusimammata. Tamanna peqatigalugu selskabip sinneqartoorutai siorna kvartalimut siullermut sanilliullugu arfinileriaatit sinnerlugit amerleriarsimapput.