Siutisiortoq tammartoq
Pinngortitaleriffik malillugu uumasuaraq qularnanngitsumik assartukkanut ilaalluni nunatsinnut pisimavoq.
Nuummi pisiniarfiit ilaannut pisiniaq siutisiortumik nassaarpoq. Pisisoq ferskenimik kiisigami aalasoqartoq takuvaa nerisanilu neriunnaarlugu, tupaallaatigisaminillu naatitap kigutaani siutisiortoq uumasoq nassaaraa.
- Tuparujussuaqaagut ferskenitoqqinngikkallassaangalu, Hans Erik Andersen, Nuuk, oqaluttuarpoq, taassumalu aappaata nassaaq qaqutigoortoq nassaaraa.
Pinngortitaleriffimmi pisortap Klaus Nygaardip AG-mut oqaluttuaraa qularnartoqarpianngitsoq Kalaallit Nunaanni siutisiortoqanngitsoq, tikeraavararli qularnanngitsumik avataanit assartukkanut ilaalluni tikissimassasoq.