Ulloq nallerpoq
Kalaallit Nunaanni ilageeqarnermut inatsit nutaaq sapaatiummat pisortatigoortumik atuutilerpoq. Tamanna ilaatigut Nuummi nalliuttorsiummik naalagiarnikkut malunnartinneqarpoq. Assit takukkit.
Biskop Sofie Petersen ilageeqarnermullu naalakkersuisoq Mimi Karlsen nalunaaqutaq qulinut Annaassisitta Oqaluffianut naalagiariartorlutik ingerlaaqatigiissuni siulliupput.
Biskopip allaffianiit ingerlaaqatigiinnikkut ilageeqarnermut inatsisip sapaammi augustip aallaqqaataani atuutilernera malunnartinneqarpoq. Taamaalillunilu aama Sofie Petersen Danmarkimi ilageeqarnermut ministereqarfimmi atorfeqarunnaarluni Kalaallit Nunaanni Namminersorlutik oqartussani atorfeqalerpoq.
Nuup Palaseqarfiani ilagiit sinniisaat naalagiarneq naggaserlugu nal. 13 Hans Egedep Oqaluffiani kaffisoqatigiipput.
Iilageeqarnermut inatsit nutaaq Inatsisartut inatsisaattut majip 19-ianni akuersissutigineqarsimaboq, ilageeqarnermullu tunngasut qallunaat naalagaaffianiit Kalaallit Nunaanni Namminersorlutik Oqartussanit tiguneqarnerannut naqissutaalluni.
Asseq allaaserisap qulaaniittoq klik-erlugu assinik amerlanerusunik takusassaqarpoq.