Kleistip silarsuarmi tusagassiortut naapissavai
Naalakkersuisut siulittaasuat Kuupik Kleist Kalaallit Nunaanni pisut pillugit paasissutissiissaaq.
Naalakkersuisut siulittaasuata Kuupik Kleistip augustip 25-ianni tusagassiortut International Press Centremi Københavnimiittumi naapikkunigit Kalaallit Nunaanni politiki nutaaq ullutsinnilu pissutsit allat, soorlu naalakkersuisut uranimik piiaaneq pillugu isumaat, uuliasiorluni qillerineq Alcoallu pilersaarutaa pillugit paasissutissiissaaq.
Pressecenterimiittarput nunanit allaniit allaaserinnittartut Danmarkimiikkallartut arlalissuit. Siusinnerusukkut Kalaallit Nunaanni politikerinik tusagassiortunik katersortitsisoqaraangat nunani allani tusagassiortorpassuarnik aggiasoqarajuttarpoq. Tusagassiortunik katersortitsineq qallunaatut tulluttullu ingerlanneqarumaarpoq.