Qallunaaq ilisimatuutut misissuisoq nannumit saassunneqapoq

Kollega måtte skyde isbjørn, da den overfaldt arkæolog Jens Fog Jensen under feltstudier i Grønland lørdag. Han blev bidt flere steder på kroppen af isbjørnen.

Qallunaaq itsarnisarsiooq Jens Fog Jensen Tunup avanaani asimi misissuitilluni arfininngormat nannumit saassunneqarpoq.

Jens Fog Jensen arleriarluni timimigut kiineqareeersorlu suleqataata, forskningsporfessor Bjarne Grønnowip nanoq aallaallugu toqussimavaa.

– Pisimasut sukkangaarmata eqqarsariarluanngilangaluunniit. Tupinnanngitsumilli kingornatigut aatsaat annilaaleraluarpunga, Jens Fog Jensen oqarpoq.

Massakku Danmarkimiippoq, ikini mamissiillugit.

Nannup Jens Fog Jensenimik saassussisup misissuisut qanittuatasuanngorsimavai. Ungoorniarsimagaluarpaat, nannulli Jens Fog Jensen saassussimavaa uppitillugulu.

– Uanga allinngorlunga nanoq qallinngorluni. Peertinniarlugu niaquatigut isimmissaraluarpara. Siffissakkut tallikkullu kiisarpaanga. Suleqatiga Bjarne tikiummat oqarfigaara nanoq aallaaqqullugu. Aallaaavaalu, Jens Fog Jensen oqaluttuarpoq.

Bjarne Grønnowip nanoq 10 meterit missiliorlugit ungasitsigalugu qaavatigut aallaasimavaa kingornalu aamma qungasiatigut aallaasimallugu. Toqulugu.

Nanoq Jens Fog Jensenitut angitigaaq, ilisimatuullu kingorna paasisimavaat nanoq piaraasoq marluk missiliorlugit ukiulik.

– Qujanaqaarmi piaraammat. Inersimasuusimagaluarunimi iluartissimanavianngikkaluarpaanga, Jens Fog Jensen oqarpoq.

Nannup amia Kalaallit Nunaanni Namminersorlutik Oqartussanut tunniunneqarumaarpoq. Nannunnissaq inerteqqutaammat ilisimatuut imminnut illersorniarlutik taamaaliorsimanertik uppernarsartariaqasimavaat.

Paasissutissarsivik: Ritzau

Powered by Labrador CMS