Kunngissap nulia Mary marlulissanik naartuvoq

Kunngissap nulia Mary naartuvoq marlulisussaallunilu, kunngikkormioqarfik ilisimatitsivoq. Aappaagu januarimi Rigshospitami erininissaa naatsorsuutigineqarpoq.

Ulluni kingullerni tusatsiagarpassuusimapput, sisamanngormallu kunngikkormioqarfik oqaaseqarumanngikkaluarpoq.

Se og Hørip siullersaalluni nutaarsiassaq pingasunngormat ualikkut nittartakkamigut saqqummiuppaa - tusarfiit aternerminnik taasinngitsut Marymillu malinnaaffiginninneq tunngavigalugit.

Kunngissakkut qitornarereerpaat Christian sisamanik Isabellalu pingasunik ukiullit.

Pingaartumillu kunngissap nulia Mary arlaleriarluni pingajussaannik qitornartaaqqikkusunnerartarsimavoq.