Nares Strædemi puttaarujussuaq
Kitaani sermimit iigartartumiit puttaapiluunersuarmik kaanngartoqarsimavoq - ukiuni 50-inngulersuni isittut imartaanni annerpaajusumik.
Puttaarsuarmik 260 kvadratkilometerinik angissusilimmik Kitaani Petermann gletsjerimiit kaanngartoqarsimavoq Nares Strædemullu Kalaallit Nunaata Canadallu akornanniittumut avalattoqarsimalluni.
Puttaarujussuaq Mahattanip sisamariaataatut angissuseqarlunilu Empire State Buildingip portussusiata aappaa avillugu portussuseqarpoq, professor Andreas Muenchow Unversity of Delawaremeersoq taamatut ilisimatitsivoq.
Taanna puttaarsuit 1962-imiilli Kalaallit Nunaanni sermimiit imaanut avalassimasut anginersaraat.
– Eerngup tarajuunngitsup puttaarsuarmiittup Delawarefolden imaluunniit Hudsonfloden ukiuni marlunni imilersorsinnaagaluarpai, Muenchvow oqarpoq.
Sermilli imartaani 2003-imiilli uuttortaasoqarsimanngimmat tamanna nunarsuarmi silap kissakkiartorneranik peqquteqarnersoq oqaatigineqarsinnaannginnerarpaa.
– Silap kissakkiartorneranik peqquteqarnersoq oqaatigineqarsinnaanngilq. Aammali taamaannginnersoq oqartoqarsinnaanani, oqarppq.