Knud Rasmussen rekordiliivoq

Nunatta kimmut sineriaani sakkutuut imarsiortut umiarsuaanni umiarsuaq alapernaarsuut Knud Rasmussen maanna allorniusani sanimukartuni rekordiliivoq.

Umiarsuaq alapernaarsuut Knud Rasmussen nunatta avannaata kitaani allorniusani sanimukartuni tikitaminik rekordiliivoq. Ass.: Leiff Josefsen

Nunatta avannaata kitaani alapernaarsuinermini umiarsuaq alapernaarsuut Knud Rasmussen allorniusanut sanimukartunut rekordiliivoq, sakkutuullu umiarsuaanni nunatta kimmut sineriaani avannarpasinnerpaamut tikissimalluni, taamatut allappoq forsvaret.dk.

Nunatta avannamut kitaata imartaani alapernaarsuitilluni umiarsuaq alapernaarsuut Knud Rasmussen aggustip 3-anni nal. 15:15 nunatta kimmut sineriaani sakkutuut imarsiortut umiarsuaannit avannarpasinnerpaamut killippoq.

Knud Rasmussenip Robeson Kanalen-imi, nunatta Canadallu akornanniittumi, tikippaa avannarpasissuseq 8202.2N kippasissuserlu 06202.0W. Sikoqarnerali pissutigalugu ingerlaqqissinnaasimanngilaq.

Siusinnerusukkut rekordimik piginnittuuvoq umiarsuaq alapernaarsuut Triton, taassuma 2003-mi avannarpasissuseq 8201N tikimmagu.

Powered by Labrador CMS