Roskilde Festival appisaluuppaa

Qanittukkut Ejvind Elsner Roskilde Festivalen isornartorsiorpaa kalaallit nipilersortartuinik mattussinerarlugit, aammali oqaluttuarisaanermi nipilersoqatigiit nipilersornerpaasartut Gnags tikilluaqqusaangillat.

Roskilde Festivalen pisoqarfioqaaq, taamaattorli nunani avannarlerni nipilersornermik festivalini annersaami kikkut tamarmik tikilluaqqusaanngillat. . Polfoto/John McComico

13-eriarluni tassaniissimavoq. Gnagsini siuttuulluni Orange Scenemi. Tamaattoqarunnaarporli. 1994-imiilli Peter A. Ag. scnemiissimanngilaq tamburiniutini tusaasasaaqatini tigumiarlugu.

- Gnags siusinnerukkut Roskildemi tusaamassaapput, maannakkulli taamaakkunnaarpugut. Sooq tassani niplersoqquneqartarunnaanersugut naluara. Isumaqarpugut (Gnagsimi aaqq.) Roskildemi tusarnaartunut tulluarluta, Peter A.G. Ritzauimut oqarpoq

Qallunaat nipilersortartuinik D-A-D-mik aqqanileriarlutik nipilersorsimasunut tullersorteqarlutik Gnagsikkut tassaapput amerlanerpaamik Roskilde Festivaimi tusarnaartitsisimasut - tamatigullu Orange Scenemi.

Raskildemi nipilersortinneqartartut tusaamasaaleriartornerat ilutigalugu Gnagsimi erinarsortartoq isumaqarpoq festivali USA-mi Woodstockituut pituttugaaffiunngeriarluni niuernerpalaartumik cirkusiulersimasoq annertuallaamik nuannaartorisat soqutigineqarfiat.

- Peqqinnanngilarmi Roskildiep nipilersoqatigiit qaaqqusalermagit qanoq isertitaqarfiutigissanersut aallaavigalugu. Niuerneruallaalersimavoq, isumagalu naapertorlugu nipilersorneq tassani pilliutigineqarpoq. Taarsiullugu nipilersortartut festivalinut taamaattunut tulluartut qaaqqusartussaavaat, tassanili Gnagsikkut ilaapput, Peter A.G oqarpoq.

Festivalimili nipilersornermut pisortap Rikke Øxnerip eqqorsorinngilaa. Isumaqarpoq ukioq manna nipilersortussat tusarnaariat piumasarpiaanik nipilersortussaasut.

- Tamanna tunngavissaqanngilaq. Aningaasat festivalimi isersut ilanngarneqaratik ikiiuiniarnernut tunniunneqartarput. Taamaalilluta eqqarsaatigineq aorparput aningaasat uagut nammineq pissanerlutigik. Taamaallaat eqqarsaatigisarparput nipilersorneq ullutsinnut tulluartuussasoq, uanilu isumaqarpugut Gngasikkut tassani tulluartut, Rikke Øxner kalaallinik nipilersoqatigiinnik eqqarsaateqarsunngitsoq oqarpoq. Ukiut tallimat matuma siorna Angu kingulliulluni nunani avannarlerni nipilersornermut festivalit annersaanni nipilersorpoq. Tassanilu anguniarneqartarpoq nunarsuarmit tamarmiit nipilersortoqarnissaa. Kalaallilli Nunaat taakkununnga ilaanngilaq, festivalimi aqutsisut isumaqarput. Taamatulli isumaqarneq Ejvind Elsnerip Atlantic Musicimik piginnittup paasisinnaanngilaa, taannalu annertunerusumik Danmarkip avataanut kalaallit nipilersortartut ingerlatinniartalissavai.

Powered by Labrador CMS