Neqit siatassat pølsinut taarsiullugit
Pølsit uummatikkut taqqatigullu napaateqalersitsisarput, taamaattumik Hjerteforeingenip innersussutigaa siaasaaffiup nalaani pølsit ilannguttannginnissaat.
USA-mi misissuinerup nutaap takutippaa inuit uummatimikkut taqqatigullu napaateqanernissaminnut 42 procentimik qaninnerusartut ullut tamaasa neqinik suliareqqitanik soorlu pølsenik, baconinik qallersuutissanillu perisarunik.
Bostonimi Hrvadimi ilisimatuut neqit ummatikkut taqqallu, sukkornermut apopleksimullu sunniutai pillugit atugassiat misissorsimavaat.
Misissuinermi neqi aappaluttoq inooriaatsimut tunngatillugu nappaateqalersitsisartutut pinngitsuutippaa. Akerlianilli paasineqarluni neqi suliareqqitaq soorlu pølsit, baconit neqinillu qallersuusiat nappaatileqaersarnermut annertuumik pisuusut.
Neqi suliareqqitaq tammaalaat 50 grammi ullormut nerisaraanni, uunmmatikkut taqqakkulu napaateqaenrnissamut 42 procentimik qaninneruvoq, sukkornissamut 19 procentimik qaninnerulluni. Ilisimatuut apopleksimut tunnganersoq paasisimanngilaat.
Ilisimatuut misissuinerit 20-t misissoqqissaarsimavaat, tassanilu nunavinni sisamani nunani qulini inuit 1,2 millionit peqataapput. Taakkunani 24.000 uummatikkut toqqakkullu nappaateqarput, 11.000 sukkortuullutik 2.000-llu apopleksimik eqqugaallutik.
Maissiuinerit nutaat tunngavigalugit Hjerteforeningenip kajumissaarutigaa pølsit avaqqutiinnartaqqullugit neqimilli siaasagassumik taarserlugu. Aamma Hjerteforeningenip piffissanngorsoraa inuussutissanik tunisassiortut peqatigiiffiup arlaleriarluni nerisassiat tarajukinnerunissaannut kajmissaarutaa pimooruteqqullugu.