Nunani allaniittunut tapiisinnaaneq misissorneqassaaq
Naalakkersuisut ukiamut misissorniarpaat angjoqqaat pissakinnerusut meeqqamik 18-it inorlugit ukiullit ukioq ataaseq nunanut allanukartinnissaat kissaatigigunikut qanoq naapertuuttumik ikiorneqarsinnaanersut.
Oqaatsinik Pikkorissarfimmiit inuusuttut 18-it inorlugit ukioqartut amerlanerujartortut qaammatini qulini nunanut allanut aallartittarpaat. Ukiuni kingullerni inuusuttut 70-it tungaanut aallartinneqartarsimaput. Taama kissuteqarpoq naalakkersuisoq Malik Berthelsen apeqquteqarmat, inuusuttut 18-it inorlugit ukioqartut amerlanerit nunanut allanut aallartinneqarsinnaannginnersut.
- Oqaatsinik Pikkorissarfik angalanernik isuginnittoq ukiumut 500.000 kroninik aningaasaliiffigineqartarpoq. 2009-mi 850.000,- kronit atorneqarsimapput. Taamaalillutik inuusuttut amerlanerusut nunani allaniitinneqartrput. Oqaatsinik Pikkorissarfik nlaunaarpoq ukiuni kingullerni kakaallit inuusuttut 60-it 70-illu missaat nunani allani ukiiartortartut. Ukiuni kingullerni amerliartorsimapput, Mimi Karlsen allappoq.
- Misilittakkat takutippaat, inusuttut nunani allaniinnerminni nutaarpassuarnik pissarsisartut, inersimanerlulutik qaammaassaqarnerulerlutillu, tamannalu inuiaqatigiinnut annertuumik iluaqutaavoq. Taamaattumik inuusuttut aallartinnissaat pingaartuuvoq.
isertitaqqortussuseq aalajangiisuusariaqanngilaq
Naalakkersuisut nassuerutigaat, Namminersorlutik Oqartussat, Danmarkimi ilinniartitaanermut ministeriaqarfik kommunillu tapiisaraluartut angajoqqaat nunai allaniinnermut aningaasartuutit annertuut akilertaraat, taamaattumik angjoqqaat pissakinnerusut meeqqamik aallartinnissaat tunuarsimaarfigisarpaat.
- Naalakkersuisut pingaartippaat inuusuttut tamarmik angajoqqaat isertitaat apeqqutaatinangu nunani allani oqaatsinik ilinniarnissaminnut periarfissaqartariaqartut, taamaattumillu misissorusuppaat qanoq tamanna naapertuunnerusumik ingerlanneqarsinnaanersoq. Oqaatsinik Pikkorissarfik nalunaarfigineqarsimavoq Sisimiut Friskole Exeterimi The Globeimi meeqqanik aallartitsisimasoq.
- Oqaatsinik Pikkorissarfiup innersuussutigisimavaa, naliliinissaq utaqqimaarniarlugu. Naliliineq ingerlanneqareerpat Naalakkersuisut ukiakkut 2010-mi siunissami inuusuttut nunani allaniittarnerat pillugu erseqqinnerusumik nalunaaruteqarumaarput, Mimi Karlsen allappoq.
Qaammatini qulini nunani allaniinneq Oqaatsinik Pikkorissarfik naapertprlugu 45.000 aamma 70.000 kronit akornanni akeqartartoq timmisartorneq ilanngullugu, taannalu angajoqqaat utertittarpaat. Taassuma saniatigut qallunaat ilinniartitaanermut ministeriaqarfiat inuusuttunut 18-it inorklugit ukiulinnut aamma kalaallinut nunani allaniinnissamut 10.000 kroninik tapiissarpoq.
Aamma kommunit atuartumut ataatsimut 25.000 kronit tungaanut tapiisarput. Angalanissat akilernerata saniatigut aamma Nunafondenimut qinnuteqartoqarsinnaasarpoq.