Maajimi kianneratigut qullugiarpassuaqarpoq

Qullugiarpassuit timmiaaqqat piaraannut nerisassatsialaapput.

Maajimi kiannerujussuatigut nunatsinni qulligiarpassuaqarpoq. Assi: Lars Maltha Rasmussen.

Ulluni makkunani nunatta kitaata kujataani sumiiffinni arlaqartuni pakkalussat qullugiaannik ulikkaarpoq, orpikkat pilutaanik nutaanik nererusaartunik. Tassaapput pakkalussap tunngjuaartup kajortup 'Eurois occultap' qullugiai, taakkulu ilaannikkut qullugiarpassuaqartarput. Qullugissat naasunik arlaqatunik nerisaqartarput, pallerni piulunilu takussaasartut. Taama allappoq Pinngortitaleriffik nittartakkamini natur.gl -imi.

Maajip qaammataani kiannerujussua peqqutigalugu qullugissat uummaarissimaqaat, sumiiffillu ilaanni orpikkat pilutaarutingajavissimallugit. Qullugiarpassuit timmiaaqqanut soorlu qupannaanut kussannullu taakkulu piaraannut nerisassatsialaapput.

Powered by Labrador CMS