Radari nutaaq inissippoq
Amerikamiut Europami qaartartunut igeriuttakkanut radariata nutaap Iranimiit pinerliiniarnerit piingitsoortissavai, taama nalunaarpoq USA-mi nunanut allanut ministeri Hillary Clinton.
USA Polenilu arfinnginngormat isumaqatigiissummik nutaamik atsiorqatigiipput siunissami Europami radari nutaaq pillugu, nunanut allanut ministeri Hillary Clinton naapertorlugu Iranimiit pilerliinniarnernut illersuutaasuaaq.
Isumaqatigiissut nutaaq Krakowimi atsiorneqartoq Clintonip peqataaffigisaani aggust 2008-mi isumaqatigiissutaasimasumik allannguivoq, præsident Barack Obamap naalakkersuisui Europami radarimik qaartartunut igeriuttakkanut atomitalinnut illersuutaasumik pilersaarutinik allangortitsereersullu.
Aallaqqaammut pilersaarutaasimavoq Tjekkiami radari sakkortooq ikkunneqassasoq Polernimilu qaartartunut ungasissumut igeriuttakkanut aallartitsivinnik qulinik ikkussisoqarluni. Moskvali qunusiarineqarluni misigisimammat Ruslandimiit sakkortuumik akerliusoqareersoq maannakkut Polenimi qaartartunut qaninnerusumut igeriuttakkanut aallartitsivinnik pilersitsisoqassaaq Polernimilu akunnattumik ungasissusilimmut qaartartunut igeriuttakkanut aallartitsivinnik ikkussisoqarluni.