Imernikinnerulerpugut
Kalaallit Nunaanni imigassartorneq agguaqatigiissillu annikillisimavoq, imeriaaserlu allangoriartortoq innuttaasunik misissuinerit marluk takutippaat.
Naalagaafffiup innuttaasut peqqissusiannik misissuisarfik naapertorlugu nunatsinni imigassamik aalakoortartulimmik atuineq 1960-ikkunniit allanngungaatsiarsimasoq.
-1960-ikkunniit 1990-ikkut tikillugit imigassamik aalakoornartulimmik nunatsinni atuineq Danmarkimi atuinermit annerusimaqaaq. Kisianni imigassat aalakoornartullit innuttaasut Danmarkimi Kalaallillu Nunaanni agguaqatigiissillugu ukiumut imertagaat 1993-imiilli angeqqatigiiginnalersimapput, allaallu ukioq 2000-imiit Kalaallit Nunaanni ukiumut imigassartorneq milligaluttuinnarsimavoq, Danmarkimi taamaaginnartoq, naalagaafffiup innuttaasut peqqissusiannik misissuisarfia allappoq.
Innuttaasut peqqissusiannik misissuisarfiup Danmarkimiittup marloriarluni siullermik 1993-imiit 94-imut, tullissaanik 2005-imiit 2009-mut misissuisitsinersuisa takutippaat, angutit imigassartorneq ajuissortut amerligaluttuinnartut, angutit 1993-94-imut naleqqiullugu ukiuni kingullerni agguaqatigiissillugulu imigassartornikilligaluttuinnartut, arnalli ukiumut imigassartugarisartagaat agguaqatigiissillugu taamaaginnartoq.