Ejnar Mikkelsen Canadami
Sakkutuut umiarsuaat Ejnar Mikkelsen Canadami sakkutuut imarsiortut ukiunik 100-nngortorsiornerannut peqataavoq.
Canadami sakkutuut imarsiortut qanittukkut ukiunik 100-liilutik nalliuttorsiorput, sapaatip akunnerinilu makkunani nalliuttorsiorneq malunnartinniarlugu umiarsuit sorsuutit 32-t tikeraarput, nunanit assigiinngitsunit qulingiluanit pisut, ilaatigut Danmark-imiit.
Qallunaat umiarsui marluk peqataapput, tassalu umiarsuaq ikiuuttartoq Absalon, NATO.mut atasoq, Halifax-ip avataani umiarsuit sungiusarnerannut annertuumut peqataaqqammersoq, illoqarfillu taanna nalliuttorsiorfiuvoq.
Umiarsuup aapparaa Ejnar Mikkelsen, Kalaallit Nunaanniit Halifax-imukarsimasoq. 1300 sømilit angallavigisimavsai, umiarsuup naalagaa Troels Sundwall oqaluttuarpoq.
Ejnar MIkkelsen 29. juni Kalaallit Nunaannut utinnginnermini ulluni sisamani nalliuttorsiornermi peqataavoq.
- Illumi kikkunnut tamanut ammasumi aaqqissuussisoqarpoq. Umiartortut 7000-it umiarsuillu taama amerlatigisut soorunami soqutigineqarluarput. Canadamiut Canadap kitaaneersut allaat nalliuttorsiornermut peqataajumallutik ornigussimapput, tamannalu malugisinnaavarput. Nalunaaqquttap akunnerisa qulit ingerlanerini inuit 5.500-t umiarsuarmut takornriarput, Troels Sundwall oqaluttuarpoq.