Umiarsuarmi takornariartaammi filmiliortut
USA-miit bloggertartup tusaavasap filmiliortunilu Kalaallit Nunaannut umiarsuarmik takornariartarneq nittarsaatissavaa.
Ralph Grizzle ingammik amerikamiunit allanillu tuluttut oqaluttunit umiarsuarni takornariartaatsimiittunit ilisarisimaneqarluartoq aggustimi tuluit takornariartaataannik Discoverymik filmiliortuni pingasut ilagalugit nunatsinni videonik immiussissaaq.
Ullutsinnut naleqqunenrusunik takoqqusaarusiornissaq siunertaavoq, nutaarsiassaqartitsivik Cruise Greenland allappoq.
- Thorshavnip talittarfia suleqatigalugu Ralph Grizzle filmilioqataalut aasaq manna nunatsinnut Savalimmiunullu qaaqqusimavagut. Umiarsuarmik takornariarnerat Discoverymit aningaasaliiffigineqarpoq, nunami silaannakkullu aaqqissuussat uagut isumagalutigik, umiarsuarnut takornariartaatsinut tunngatillugu siunnersorti Malik Milfeldt nunatsinni takornariaqarnermut siunenrsuisusoqatigiinneersoq oqarpoq.
Ralph Grizzlep misigisani allaaserissavai nittartakkami avidcruiser.com -mi, filmilianilu naatsuni takornariarfissat ilisaritillugit. Siunnersuisoqatigiinni suliakkiinemri pingaartinneqarpoq videot aamma allani atorneqarsinnaanissaat. sammenhænge end krydstogt.
Discovery Nuummut tikeraassaaq aggustip 10-ani, Ilulissaniissalluni aggustip 12-ani Qaqortumilu aggustip 14-ani.
NORA - Atlantikup avannaani suleqatigiiffik - aamma NATA Nunat avannarliit takornariaqarnikkut suleqatigiiffiat suliniummut tapiisuuvoq.