Umiatsiamik Qaanaamiit Nomemut
Franskeq Mathieu Bonnier kisimiilluni Qaanaamiit Alaskami Nomemut angalaniarpoq.
Annonse
Angallata allaanngilaq aqqartartoq, assiliisoq Dan D. Normann oqarluttuarpoq.
Franskip 6.500 kilometerinik isorartutigisoq umiartorfigissavaa.
Aningaasaliisorpassuaqarpoq angallataalu atortorissaarluarluni, seqernup kissaanik tigooraasoqarluni, pujorsiuteqarluni gps-eqarlunilu, angalaneralu nittartagaa www.expeditiontico.com atorlugu malinnaavigineqarsinnaavoq.
Mathieu Bonnierip naatsorsuutigaa Nomemut 2011-mi apuutissalluni.