Ivikkanik sapigallit iluaquserneqarput
Qallunaarpassuit kalaallillu ivikkat pujoralaannik sapigaqarlutik naallioruttulerput. Nakorsaat nutaaq pilersinneqaleruttorpoq.
Ullumikkut akiuussutissamik kapineqarnikkut ivikkanik sapigaqarneq pinngitsoorneqarsinnaavoq. Akisoqaaq pisariullunilu, ukiunimi pingasuni 30-riarluni takikkut kapineqartussaavoq.
Periuseq nutaaq Gentofte Hospitalimi misilerarneqaleruttortoq atorlugu kapitinnerit pingasuinnaat pisariaqalissapput.
Taava tulliani polleneqarnissaanut illersuuteqartoqalissaaq. Tassani peqqutaavoq siffiakkut qinerseqarfimmi toqqaannartumik kapitinneq, sunniuteqarneruvorlu, dr.dk allappoq.
- Tamanna talermit kapitinnermiit inuit ilaasa annertugisinnaavaat, misilittakkalli takutippaat talikkut kapitinnermiit annernanginnerusoq, BGentofte Hospitalimi sapigaqarnermut immikkoortortami pisortaq Lars Kærgaard Poulsen oqarpoq.
Akiuussutissaq nutaaq misilerarneqaleruttorpoq, pitsaappallut ukiup ataatsip qaangiuppat atorneqalissaaq.